Köhnə versiya

Ən son xəbərlər

Son buraxılış
Arxiv

Milli Qəhrəman Mübariz İbrahimovun anım tədbirləri keçirilib

Milli Qəhrəman Mübariz İbrahimovun anım tədbirləri keçirilib

Fevralın 7-də  Azərbaycanın Milli Qəhrəmanı Mübariz İbrahimovun doğum günü münasibətilə hərbi hissələrdə və xüsusi təyinatlı tədris müəssisələrində anım mərasimləri keçirilib.

Müdafiə Nazirliyindən aldığımız məlumatda deyilir ki, hərbi qulluqçular  M.İbrahimovun şəhidlər xiyabanındakı məzarını ziyarət edərək önünə gül dəstələri qoyublar.

Vətənimizin azadlığı uğrunda canlarını qurban vermiş şəhidlərin xatirələri bir dəqiqəlik sükutla yad edilib, məzarları üzərinə tər güllər düzülüb.
Tədbirlərdə çıxış edənlər Milli Qəhrəmanın həyat yolundan danışıb, onun göstərdiyi şücaət və qəhrəmanlıqdan bəhs ediblər. Qeyd olunub ki, Mübariz qısa ömür yaşasa da, canını Vətən yolunda fəda etməsi ilə özündən sonra gələn gənclərə örnək olacaq şanlı bir yol və ad-san qoyub gedib.
Tədbir çərçivəsində məktəblilər Milli Qəhrəmanın xidmət etdiyi hərbi hissədə olub, Müdafiə Nazirliyinin hərbi qulluqçuları isə  Mübariz İbrahimovun  ailəsinə baş çəkərək valideynləri ilə görüşüblər.

 

“Xalq qəzeti”

8 2019 16:44 - CƏMİYYƏT
CƏMİYYƏT

Köhnə versiyamızdan xəbərləri izlə