Köhnə versiya

Ən son xəbərlər

Son buraxılış
Arxiv

“Cırtdan nağıllar aləmində” meqaşousundan əldə olunan gəlir Talassemiya Mərkəzinə bağışlanıb

“Cırtdan nağıllar aləmində” meqaşousundan əldə olunan gəlir Talassemiya Mərkəzinə bağışlanıb

Talassemiya Mərkəzində “Cırtdan nağıllar aləmində” meqaşousunun nəticələrinə həsr olunmuş mətbuat konfransında mərkəzin elmi işlər üzrə direktor müavini Ramin Bayramlı ötən il dekabrın 15-də Bakı Konqres Mərkəzində Heydər Əliyev Fondunun vitse-prezidenti Leyla Əliyevanın təşəbbüsü ilə “Cırtdan nağıllar aləmində” meqaşousunun premyerasının keçirildiyini xatırladıb.

R.Bayramlı deyib: “Həmin şouda xüsusi dəvətnamələrlə Talassemiya Mərkəzində müalicə alan 500-dən çox xəstə və onların ailə üzvləri, o cümlədən mərkəzin əməkdaşları iştirak ediblər. Uşaqların və valideynlərin qəlbində yer alan bu bənzərsiz şou tək unikal süjeti ilə deyil, həmçinin interaktiv quruluşu ilə də tamaşaçıların ürəklərini fəth edib. Xeyriyyə məqsədilə keçirilən tədbirin gəlirləri Talassemiya Mərkəzinin hesabına köçürüləcək. Həmin vəsaitlə yeni dərman preparatları və sistemlər alınacaq. Bu xeyirxah təşəbbüsdə əməyi keçən hər kəsə öz təşəkkürümü bildirirəm”.

Bildirilib ki, meqaşouda 40 mindən çox tamaşaçı iştirak edib və 397 min manat gəlir əldə olunub. Növbəti belə şounun Novruz bayramı ərəfəsində keçirilməsinin nəzərdə tutulduğu da diqqətə çatdırılıb.

Cırtdan rolunu canlandıran aktyor İbrahim Süleymanlı əldə edilən məbləğin xəstə uşaqların müalicəsinə sərf olunmasından məmnun olduğunu bildirib. Sonra şoudan əldə olunan gəlirin rəmzi qəbzi Talassemiya Mərkəzinə təqdim edilib.

Səhiyyə Nazirliyinin mətbuat xidmətindən bildiriblər ki, tədbirin sonunda kütləvi informasiya vasitələrinin nümayəndələrinin sualları cavablandırılıb.

 

Z.BƏŞİRQIZI,
“Xalq qəzeti”

6 2019 12:00 - SƏHİYYƏ
SƏHİYYƏ
16 Noyabr 2019 | 11:57
Diabet: Ailənizi qoruyun!

Köhnə versiyamızdan xəbərləri izlə