Köhnə versiya

Ən son xəbərlər

Son buraxılış
Arxiv

İsveçrə portalında Nəsimi haqqında məqalə

İsveçrə portalında Nəsimi  haqqında  məqalə

İsveçrənin www.zeitung.ch  portalında "Nəsimi – sülh şairi” sərlövhəli məqalə yerləşdirilib. Məqalənin müəllifi portalın oxucularından Merlinda Dautidir. O, 2019-cu ilin Azərbaycanda "Nəsimi ili” elan olunduğunu yazıb. İsveçrəli oxuculara Nəsimini təqdim edən müəllif şairin orta əsrlərdə Azərbaycanın elm və mədəniyyət mərkəzlərindən biri olan Şamaxıda dünyaya gəldiyini bildirir. Vurğulayır ki, Nəsiminin ana dilində yaratdığı ədəbi irsi 20 min beytdən çoxdur.

 Məqalədə Nəsiminin ədəbi-fəlsəfi görüşü, yaşadığı dövr üçün olduqca mütərəqqi humanist düşüncələri və mühafizəkarlar tərəfindən təqib olunması barədə fikirlər yer alıb. Qeyd edilir ki, Nəsimini mövcud sistemə qarşı təhlükə hesab edən dini təbəqənin fitvası ilə şair edam olunub. Lakin bu, Nəsiminin daha da tanınmasına, ideya və əsərlərinin müxtəlif ölkələrə yayılmasına əngəl olmayıb. Onun şeirləri, fəlsəfi ideya və dünyagörüşü insanları ortaq dəyərlər və sülh naminə birləşməyə səsləyir və bu gün də aktualdır.

 

Hazırladı:
M.MÜKƏRRƏMOĞLU,
“Xalq qəzeti”

5 2019 15:21 - MƏDƏNİYYƏT
MƏDƏNİYYƏT
20 Sentyabr 2019 | 11:27
Azərbaycan kinosu günləri
19 Sentyabr 2019 | 15:36
Muzeyin 25 illiyi qeyd olunub

Köhnə versiyamızdan xəbərləri izlə