Köhnə versiya

Ən son xəbərlər

Son buraxılış
Arxiv

Deputat: Zimbabve Azərbaycanın düzgün idarəçilik təcrübəsinə, iqtisadi və sosial islahatlar praktikasına ciddi maraq göstərir

Deputat: Zimbabve Azərbaycanın düzgün idarəçilik təcrübəsinə, iqtisadi və sosial islahatlar praktikasına ciddi maraq göstərir

Zimbabve Azərbaycanın düzgün idarəçilik təcrübəsinə, milli maraqları əsasında müstəqil siyasət yürütməsinə, struktur xarakterli, həmçinin iqtisadi və sosial islahatlar praktikasına ciddi maraq göstərir.

Bunu Milli Məclisin deputatı Tahir Rzayev Zimbabve Prezidenti Emmerson Mnanqaqvanın Azərbaycana səfərini şərh edərkən deyib.

Deputatın sözlərinə görə, Azərbaycanın mədən sənayesini effektiv şəkildə idarə etməsi, neft-qaz sektorundan əldə edilən gəlirlərin şəffaflığını təmin etməsi və iqtisadiyyatın digər sektorlarına düşünülmüş şəkildə investisiyaların qoyulması, ölkəmizdə iqtisadiyyatın qeyri-neft sektorunun, nəqliyyat infrastukturunun və kənd təsərrüfatının inkişafı və digər sahələrdə olan nailiyyətlərimiz maraqlı nümunə kimi qəbul olunur: "Bu baxımdan Zimbabve daxil olmaqla, əksər Afrika ölkələri tərəfindən Azərbaycanın BMT tərəfindən müəyyən edilmiş Dayanıqlı İnkişaf Məqsədlərinin həyata keçirilməsi sahəsində əldə etdiyi nailiyyətlər uğurlu təcrübə kimi nəzərdən keçirilir".

T.Rzayev əlavə edib ki, Zimbabve Prezidenti E.Mnanqaqva xarici səfəri çərçivəsində MDB ölkələri sırasında məhz Azərbaycan, Rusiya, Belarus və Qazaxıstanı seçib: "Zimbabve tərəfi sadalanan ölkələrin MDB məkanında ən yüksək inkişaf göstəricisinə malik olduğunu nəzərə alaraq, təcrübə mübadiləsinin aparılması, yeni iqtisadi və ticarət əməkdaşlığı imkanlarının araşdırılması və sərmayələr üçün məhz bu ölkələri seçib".

Deputat hesab edir ki, Zimbabvenin də fəal iştirak etdiyi Qoşulmama Hərəkatına Azərbaycan 2019-2022-ci illərdə sədrlik edəcək: "Azərbaycan beynəlxalq münasibətlərdə xoş məramla çıxış edir, davamlı inkişafa töhfə verir və öz uğurlu idarəçilik təcrübəsini inkişaf etməkdə olan və ya az inkişaf etmiş ölkələrlə bölüşməyə hazırdır. Etibarlı, ləyaqətli və beynəlxalq münasibətlərin məsuliyyətli üzvü olan Azərbaycanla əməkdaşlıq etmək istəyən ölkələrin sayı getdikcə artır".

 

19 2019 16:19 - XƏBƏRLƏR
XƏBƏRLƏR
24 Avqust 2019 | 18:02
Hazır farş almayın
24 Avqust 2019 | 18:01
Ən faydalı süd

Köhnə versiyamızdan xəbərləri izlə