Köhnə versiya

Ən son xəbərlər

Son buraxılış
Arxiv

Aureliya Qriqoriu: 1990-cı ilin 20 Yanvar gecəsi Bakıda baş verən cinayətlər cavabsız qalmamalıdır!

Aureliya Qriqoriu: 1990-cı ilin 20 Yanvar gecəsi Bakıda baş verən cinayətlər cavabsız qalmamalıdır!

Qanlı 20 Yanvarda Bakıda törədilən cinayətlər cavabsız qalmamalıdır.

Moldova İctimai Palatasının sədri, siyasi xadim Aureliya Qriqoriu 20 Yanvar faciəsi ilə bağlı Trend-ə açıqlamasında deyib: "1990-cı il 20 Yanvar faciəsi SSRİ-nin öz xalqına və vətəndaşlarına qarşı ordudan istifadə etməsinin qara səhifəsi kimi əbədi olaraq müasir tarixə yazılıb. Azərbaycanın suverenliyi və müstəqilliyini dəstəkləmək üçün Bakıda keçirilmiş dinc nümayiş sovet ordusu tərəfindən silah və tanklarla gülləbaran edilib. Sovet ordusu hissələrinin, daxili qoşunların və xüsusi təyinatlı qüvvələrin böyük kontingentinin Bakını işğal etməsi xüsusi qəddarlıq və görülməmiş vəhşiliklərlə baş verib. Dinc əhali qətlə yetirilib, yüzlərlə insan öldürülüb, yaralanıb və itkin düşüb”.

A.Qriqoriu qeyd edib ki, ordunun Bakıya yeridilməsi və fövqəladə vəziyyət elan olunması SSRİ Konstitusiyasının (119-cu maddə), Azərbaycan SSR Konstitusiyasının (71-ci maddə), "Vətəndaş və siyasi hüquqlar" haqqında beynəlxalq paktın (1-ci maddə) kobud şəkildə pozulması idi: "Azərbaycan Respublikasının suverenlik hüququ qəddarlıqla pozulmuş, dinc nümayiş keçirmək, ifadə azadlığı, mülkiyyət kimi təməl insan hüquqlarının pozulmasına kobudcasına yol verilmişdi. Və təəssüf ki, dünyada bu hadisələr haqqında az şey məlumdur. Məhz bu qanlı və utancverici hadisədən sonra Sovet İttifaqının sürətlə dağılması baş verdi. Dövlət öz vətəndaşlarının hüquqlarını, öz xalqına, xüsusilə Bakı şəhərinin və Azərbaycan Respublikasının əhalisinə qarşı cinayət törətmişdi. İnsanlara hədəf kimi, əsasən kürəyindən, yeganə məqsədlə - öldürmək üçün güllə atılıb. Bu cür cinayətlər cəzasız qalmamalıdır. Beynəlxalq humanitar hüquq normalarına görə, bu cinayət əməlini törədənlər müəyyənləşdirilməli və məhkəməyə təslim edilməlidirlər".

Moldovalı siyasi xadimin sözlərinə görə, 1990-cı il hadisələrindən danışarkən, ilk növbədə Sovet İttifaqının məlumat məkanının qapalılığını nəzərə almaq lazımdır: "İndiyədək həmin faciəvi hadisənin detalları yalnız ölkənin rəhbər şəxsləri, eləcə də qanlı cinayətlərin birbaşa icraçıları barədə açılan cinayət işləri çərçivəsində nəzərdən keçirilib".

A.Qriqoriu qeyd edib ki, beynəlxalq hüquq prinsiplərinə, insan hüquqlarına riayət olunmasına dünya təəssüf ki, hələ də  ikili standartlarla yanaşır: "Bu gün biz 1990-cı il yanvarın 19-dan 20-nə keçən gecə baş vermiş qanlı faciənin qurbanlarını yada salırıq. Onlar azadlıq uğrunda qəhrəmanlardır. Tarixin amansız dərslərini qavramaq lazımdır. Öz vətəndaşlarının güllələnməsi əmrini verən heç bir rejim hakimiyyətdə qala bilməz".

Qeyd edək ki, 1990-cı il yanvarın 19-dan 20-nə keçən gecə, əvvəlcədən fövqəladə vəziyyət elan edilmədən Sovet Ordu hissələri Azərbaycana yeridilərək hərbi cinayət törədilib. Faciə zamanı 137 günahsız insan öldürüldü, 744 nəfər ağır xəsarət aldı, 841 nəfər qanunsuz olaraq həbs edildi. Sovet ordusunun əməliyyatları nəticəsində 200 mənzil, evlər, şəxsi və dövlət əmlakı dağıldı.

Xalqımızın qan yaddaşında əbədi yaşayacaq 20 Yanvar faciəsi respublikamızda hər il Ümumxalq Hüzn Günü kimi qeyd edilir.

 

19 2019 13:48 - 20 YANVAR
20 YANVAR

Köhnə versiyamızdan xəbərləri izlə