Ən son xəbərlər

Son buraxılış
Arxiv

Amerika kinematoqrafçıları XX əsrin ən yaxşı filmini seçiblər

Amerika kinematoqrafçıları XX əsrin ən yaxşı filmini seçiblər

Amerika Kinematoqrafçılar Cəmiyyəti (American Society of Cinematographers, ASC) yaranmasının 100 illiyi münasibəti ilə XX əsrin ən yaxşı filmini seçib.

TASS   xəbər verir ki, birinci yeri 1962-ci ildə rejissor Freddi Yanq tərəfindən lentə alınmış "Ərəbistan Laurensi" filmi ("Lawrence of Arabia") tutub.

ASC mütəxəssislərini filmin çəkildiyi şərait heyrətə gətirib. Xüsusən, filmin açıq hava səhnələri İordaniyanın Cəbəl əl-Tubayk şəhərində lentə alınıb. Həmin vaxt burada havalar dözülməz dərəcədə isti olub və ən yaxın su mənbəyi 240 kilometr məsafədə imiş.

Bununla belə, çəkiliş qrupunun peşəkarlığı sayəsində yeddi "Oskar", dörd "Qızıl Qlobus" və bir çox başqa mükafatlara layiq görülən film ərsəyə gəlib.

Eyni zamanda,  ilk onluğa "Ülgüc üzərində qaçan" (1962), "Apokalipsis bu gün" (1979), "Vətəndaş Keyn" (1941), "Xaç atası" (1972), "Quduz öküz" (1980), "Konformist" (1970) , "Biçin günləri" (1978) , "2001-ci il: Fəza odiseyi" (1968) və "Fransa rabitəçisi" (1971) filmləri daxildir.

 

M.MÜKƏRRƏMOĞLU,
“Xalq qəzeti”

15 2019 11:40 - MƏDƏNİYYƏT
MƏDƏNİYYƏT
15 Fevral 2019 | 16:49
Cəlil Məmmədquluzadə – 150

Ən son xəbərləri səhifəmizdən də izləyin