Köhnə versiya

Ən son xəbərlər

Son buraxılış
Arxiv

Müdafiə Sənayesi Nazirliyinin müəssisələrində yeni yaradılmış döyüş sursatları sınaqdan keçirilib

Müdafiə Sənayesi Nazirliyinin müəssisələrində  yeni yaradılmış döyüş sursatları sınaqdan keçirilib

Müdafiə Sənayesi Nazirliyinin müəssisələrində yaradılan 125 millimetrlik tank topları üçün nəzərdə tutulmuş döyüş sursatının poliqon sınaqları keçirilib.

Müdafiə Sənayesi Nazirliyindən aldığımız məlumatda bildirilir ki, nazirliyin mütəxəssislərinin və Müdafiə Nazirliyinin döyüş texnikası və şəxsi heyətinin iştirakı ilə aparılan sınaqlarda 125 millimetrlik tank topları üçün nəzərdə tutulmuş döyüş sursatının ballistik xüsusiyyətlərinin yoxlanılması məqsədilə Silahlı Qüvvələrin istismarında olan müasir T-90C tipli tankdan atışlar keçirilib və müsbət nəticələr əldə edilib.

Yüksək dağıcı qüvvəyə malik 125 millimetrlik artırılmış qüvvəli qəlpəli-fuqaslı mərmili atəş yığımı Silahlı Qüvvələrin arsenalında olan T-72, T-90C tipli tanklarda quraşdırılan 125 millimetrlik tank topundan atəş aparmaq üçün istifadə olunur. Atəş yığımı düşmənin canlı qüvvəsinə, səhra tipli istehkam qurğularına, artilleriya, minaatan, raket qurğularının atəş mövqelərinə və müxtəlif növ atəş vasitələrinə zərbə vurmaq üçün nəzərdə tutulub.

Atəş yığımının praktiki mərmili variantı ilə keçirilən sınaqların nəticələrinə görə döyüş sursatının yüksək ballistik xüsusiyyətlərə malik olması, etibarlılığı və xidməti davranma zamanı təhlükəsizliyi tam təsdiq edilib.

 

“Xalq qəzeti”

28 Dekabr 2018 16:23 - TEXNİKA
TEXNİKA

Köhnə versiyamızdan xəbərləri izlə