Köhnə versiya

Ən son xəbərlər

Son buraxılış
Arxiv

Mədəniyyət nazirinin müavini Rafiq Bayramovun rəhbərlik etdiyi nümayəndə heyəti İtaliyanın Pyemonte regionunda tədqiqat səfərindədir

Mədəniyyət nazirinin müavini Rafiq Bayramovun rəhbərlik etdiyi nümayəndə heyəti İtaliyanın Pyemonte regionunda tədqiqat səfərindədir

Azərbaycan Respublikası Mədəniyyət nazirinin müavini Rafiq Bayramovun rəhbərlik etdiyi nümayəndə heyəti 12-14 dekabr tarixində İtaliya Respublikasının Pyemonte regionunda “İnteqrasiyalı idarəetmənin planlaşdırılması” mövzusunda Tvinning layihəsində tərəfdaş olmuş İtaliyanın Mədəni İrs və Fəaliyyətlər Nazirliyi ilə birgə hazırlanmış tədqiqat səfərində iştirak edir. Bu barədə Mədəniyyət Nazirliyinin mətbuat xidməti məlumat yayıb.

 Səfərin əsas məqsədi “İnteqrasiyalı idarəetmə planı”nın icrası və ölkədə daha geniş miqyasda  tətbiqinin yaxından araşdırılmasıdır.

Qeyd olunan proqram çərçivəsində nümayəndə heyəti “İtaliyada mədəni irsin təşkili və idarə olunması: Milli səviyyədən yerli səviyyəyə qədər” mövzusunda İtaliyanın Mədəni İrs, Fəaliyyətlər və Turizm Nazirliyinin nümayəndələri ilə Turində görüş keçirmiş və İtaliyanın dövlət mədəniyyət müəssisələrinin fəaliyyətləri, onların planlaşdırılması və həyata keçirilməsi ilə tanış olmuşlar. Səfər çərçivəsində həmçinin regionun Asti və Alba əyalətlərinə də səfər həyata keçirilmiş və səfər çərçivəsində nümayəndə heyəti “Asti Əyalətinin Tarixi Kəndləri” – tarixi mərkəzi ictimai yerlərin müasirləşdirilməsi layihəsi, eləcə də Qoriya Fondu və Asti Muzey Fondu, UNESCO-nun Ümumdünya İrsi Siyahısına daxil edilmiş Lanqe Roero və Monferrato əraziləri ilə tanış olmuşlar.

Qeyd edək ki, 2016-2018-ci illərdə həyata keçirilən “Mədəniyyət sektorunun siyasəti və idarə olunması sisteminin modernləşdirilməsində Azərbaycan Respublikasının Mədəniyyət Nazirliyinə dəstək” adlı Tvinninq layihəsinə əsasən İsmayıllı  regional Mədəniyyət İdarəsi pilot region müəyyən edilmiş və İtaliya  təcrübəsi nəzərə alınaraq “İnteqrasiyalı idarəetmə plani” hazırlanmışdır.

 

M.MÜKƏRRƏMOĞLU,
“Xalq qəzeti”

14 Dekabr 2018 11:15 - MƏDƏNİYYƏT
MƏDƏNİYYƏT

Köhnə versiyamızdan xəbərləri izlə