Ən son xəbərlər

Son buraxılış
Arxiv

Muğam Mərkəzində IX Beynəlxalq Klassik Musiqi Festivalı

Muğam Mərkəzində IX Beynəlxalq Klassik Musiqi Festivalı

Beynəlxalq Muğam Mərkəzində Bülbül adına orta ixtisas musiqi məktəbi və Gürcüstanın İncəsənət Xadimlər Birliyinin birgə təşkilatçılığı ilə "Future Stars 2018" ("Gələcəyin ulduzları") IX Beynəlxalq Klassik Musiqi Festivalının açılışı keçirildi.

Tədbirin əvvəlində Gürcüstanın və Azərbaycanın dövlət himnləri səsləndi.

Festivalı açan Bülbül adına orta ixtisas musiqi məktəbinin direktoru, xalq artisti Teymur Göyçayev qonaqları salamlayaraq onları yenidən Azərbaycanda görməyinə çox şad olduğunu bildirdi.

Ondan sonra çıxış edən Gürcüstanın İncəsənət Xadimlər Birliyinin rəhbəri Nino Kupatadze  festivalın 3-cü dəfə Bakıda keçirilməyindən  məmnun olduğunu və iki ölkə arasında əməkdaşlıq  sayəsində neçə-neçə gənc ulduzların üzə çıxmasını bildirərək iştirakçılara uğurlar arzuladı.

Sonrakı konsert proqramında Beynəlxalq müsabiqələr laureatı, Tbilisi dövlət konservatoriyasının professoru, Gürcüstanın əməkdar artisti Nino Kutatadze və Bülbül adına orta ixtisas musiqi məktəbinin şagirdləri çıxış etdilər.

Müsabiqə dekabrın 9-dək davam edəcək.

Festivalın yekun konserti və müsabiqə qaliblərinin mükafatlandırılması dekabrın 9-da Beynəlxalq Muğam Mərkəzində keçiriləcək.

 

M.MÜKƏRRƏMOĞLU,
“Xalq qəzeti”

8 Dekabr 2018 15:21 - MƏDƏNİYYƏT
MƏDƏNİYYƏT

Ən son xəbərləri səhifəmizdən də izləyin