→ ÖLKƏ XƏBƏRLƏRİ  /  Bütün xəbərlər  /

Almaniyada ümummilli lider Heydər Əliyevin həyat və fəaliyyətindən bəhs edən kitab çap olunmuşdur

Almaniyanın nüfuzlu beynəlxalq "Peter Lang" nəşriyyatında ümummilli lider Heydər Əliyevin həyat və fəaliyyətindən bəhs edən "Qurucu. Heydər Əliyev şəxsiyyət və dövlət adamı kimi" adlı kitab çapdan çıxmışdır. 
Alman alimi Johannes Raunun müəllifi olduğu kitabda dahi şəxsiyyət Heydər Əliyev müasir müstəqil Azərbaycanın qurucusu kimi xarakterizə edilir, ulu öndərin böyük siyasi və dövlət xadimi kimi fəaliyyətinə nəzər salınır.
Nəşrdə ümummilli lider Heydər Əliyevin böyüdüyü mühit təhlil olunur. Bu mühitin ulu öndərin böyük şəxsiyyət və siyasətçi kimi formalaşmasına təsirindən bəhs edilir. Müəllif Heydər Əliyev şəxsiyyətinin formalaşması, onun sıravi bir azərbaycanlı ailəsindən çıxaraq keçmiş sovet elitasının zirvəsinədək yüksəlməsi və bu çətin yolda əldə etdiyi uğurlardan geniş söhbət açır. Bundan əlavə, kitabda ulu öndər Heydər Əliyevin böyük siyasət xadiminə xas olan möhkəm iradə, uzaqgörənlik, xalqın böyük etimadına nail olması kimi xüsusiyyətləri oxucunun diqqətinə çatdırılır.
Kitabda ümummilli lider Heydər Əliyevin SSRİ-nin ali rəhbərliyində fəaliyyəti dövründə ölkəsi üçün göstərdiyi xidmətlər, Azərbaycanın müstəqilliyi naminə hazırladığı zəmindən bəhs edilir. Müəllif, eyni zamanda, alman ictimaiyyətinə məlum olmayan yeni arxiv materiallarına və sənədlərə əsaslanaraq ulu öndər Heydər Əliyevin müsəlman ölkəsindən çıxan bir lider kimi Sovet İttifaqı Kommunist Partiyasının Siyasi Bürosunda yüksək nüfuza malik olmasından, digər büro üzvlərində ona qarşı qısqanc münasibətdən yazır, Qərbdə "qəhrəman" kimi qələmə verilən Mixail Qorbaçovun əməllərindən danışır, onun Siyasi Büronun üzvü Heydər Əliyev ilə apardığı ədalətsiz intriqalardan söhbət açır.
Nəşrdə dahi şəxsiyyət Heydər Əliyevin müstəqil Azərbaycanda ikinci dəfə hakimiyyətə qayıdışından, bu istiqamətdə gərgin siyasi mübarizədən və ulu öndərin Azərbaycan dövlətçiliyinin formalaşması istiqamətində gördüyü işlərdən bəhs olunur.

Vüqar SEYİDOV, AzərTAc-ın xüsusi müxbiri
Berlin

16 Fevral 2012, Cümə axşamı

Sosial şəbəkələrə payla:

• 
• 
• 
• 
• 
• 

Rubrikada son xəbərlər

• Konstitusiya Məhkəməsi Palatasının növbəti iclası keçirilmişdir
• Bakı - Həştərxan: etibarlı dostluq körpüləri salınır
• 2012-ci ilin ilk rübündə Naxçıvan Muxtar Respublikasının sosial-iqtisadi inkişafı
• Ermənilərin azərbaycanlılara və türklərə qarşı həyata keçirdikləri terror, soyqırımı və işğalçılıq siyasətini bütün dünya ictimaiyyəti bilməlidir
• Kür qırağında "meşə" əməliyyatı
• Azərbaycanda uğurla həyata keçirilən məhkəmə-hüquq islahatları ilə bağlı məlumatlar beynəlxalq tədbirdə maraqla qarşılanmışdır
• Dövlət müstəqilliyimizin iki onilliyinin əsrlərə bərabər iqtisadi inkişaf uğurları
• "Eurovision-2012" mahnı müsabiqəsi ilə əlaqədar bu gündən Bakının bir sıra küçə və prospektlərində nəqliyyatın hərəkəti məhdudlaşdırılıb
• Latviyanın "Eurovision" təmsilçisi Azərbaycan mədəniyyətinin vurğunu olduğunu demişdir
• Zaqatala rayonunda qeydə alınmış zəlzələ ilə əlaqədar fövqəladə hallar naziri bölgədə vəziyyətlə tanış olmuşdur